فيديو
يشتاق لك اللي يموت بهون
دخلت قلبه و شمعته
كني معك مدمن الأفيون
و وريدي إبرته قطعته
إليا فقدتك تعرف إشلون
الموت بيديك سرعته
يا عافية قلبي المجنون
تعال لغياب ودعته
وانا مكفيني عن الناس بيري
ويوم الطيور تهاجر و تقطع بحار
انا مبرقع داخل الصدر طيري
ماني لكل مضيع دياره، ديار
ولا هو ضروري كلٍ يذوق خيري
انا فدا اللي ينتطرني على نار
إن غبت عَنَّه ما يعوضه غيري
وهم يحسبوني قرير العين والمأوى
عشرين عامٍ ولا عينت تجبيره
لاتنشد المنكسر عن شدة البلوى
ماكل بيتٍ تعرف الناس تدبيره
لاتعاتب القلب ليه يدور السلوى
رسمت لي درب حان اليوم تغييره
حدرت دربي عليك ونيتي علوى
سنين عمري خرزها منفرط سيره
واللي بقى من حياتي حبلها يلوى
من مات يمه وهو ظامي على بيره
بتشوفه الناس انه ماقوى يروى
وانا صبور الزمن والناس والجيره
صبرت في وقت فيه الناس ماتقوى
ارضيت ربي وانا متأملٍ خيره
ومن يرضى الله ماظنى يبي يغوى
دور لي حلول غير الهجر والحيره
مدخلك بالله تخلي وضعنا حلوى
يصعب علي شرح وضعٍ فات تفسيره
سنين وجنوبنا (ياميمتي) تكوى
اضرب بي الدنيا وانا اجيك كلي
لو حاربوا حبي جميع المخاليق
ما داسو ظلالك ولا جاو ظلي
لا ما عليهم يا حبيبي توافيق
والحاجه اللي من وراهم تولي
ماشفت منهم واحدٍ بل لك ريق
وكلن يبي ريقك حليب محلي
لا تقند القهوه ولا تفوح ابريق
منهو بغى الزله علينا يصلي
والهرجه اللي جات من غير تعليق
مصيرها تهبط هبوط مظلي
صدورنا ماهي عليهم مغاليق
وصدورهم من ضيقها ربع ملي
شفني انا واياك في قمة طويق
انت وانا اثنيننا في تجلي
iFazzaz 