ادور البر وابلع موس تقصيره
وهم يحسبوني قرير العين والمأوى
عشرين عامٍ ولا عينت تجبيره
لاتنشد المنكسر عن شدة البلوى
ماكل بيتٍ تعرف الناس تدبيره
لاتعاتب القلب ليه يدور السلوى
رسمت لي درب حان اليوم تغييره
حدرت دربي عليك ونيتي علوى
سنين عمري خرزها منفرط سيره
واللي بقى من حياتي حبلها يلوى
من مات يمه وهو ظامي على بيره
بتشوفه الناس انه ماقوى يروى
وانا صبور الزمن والناس والجيره
صبرت في وقت فيه الناس ماتقوى
ارضيت ربي وانا متأملٍ خيره
ومن يرضى الله ماظنى يبي يغوى
دور لي حلول غير الهجر والحيره
مدخلك بالله تخلي وضعنا حلوى
يصعب علي شرح وضعٍ فات تفسيره
سنين وجنوبنا (ياميمتي) تكوى
iFazzaz 
أضف تعليق